ھەزرىتى لوقمان ھەكىم ئوغلىغا مۇنداق نەسىھەت قىلىدۇ

تەرمىلەر alma 2122℃ 0
235090-1403020T30020

 

بىر كۈنى ئۇ ئوغلىنى ئېلىپ بۇيىغا يەتكەن قىزى بار بىر ئائىلىنىڭ ئالدىغا كىلىپ ئوغلىنى ھەدەپ ئۇرۇشقا باشلاپتۇ.لوقمان ھېكىم ئوغلىنى ئۇرۇۋاتسا ھېلىقى ئائىلىنىڭ قىزى چىقىپ:

-ۋاي لوقمان ھېكىم،ئوغلىڭىزنى نىمىشقا ئۇرىسىز!-دەپ سۇراپتۇ.لوقمان ھېكىم:

-بۇ بالام،مەن ئىشقا بۇيرىسام قىلىدۇ.

-توۋۋا قىلدىم،ئىشقا بۇيرىسىڭىز قىلمىسا بۇلامتى ئەمىسە،ساراڭ بوپسىز،-دەپتۇ قىز ۋە شۇنداق دىگىنىچە ئۈيىگە كىرىپ كىتىپتۇ.

لوقمان ھېكىم ئەتىسىمۇ ئۆگۈنىمۇ شۇنداق نەتىجىگە ئىرىشىپتۇ.خەقنىڭ قىزى ئۇنى ساراڭ قاتارىغا چىقىرىپتۇ.ئۇ ئۈمىدسىزلەنمەي يەنە بىر ئۆينىڭ ئالدىغا كىلىپ كۈندىكىدەك ئوغلىنى ئۇرۇشقا باشلاپتۇ.

بۇ ئائىلىنىڭ قىزى يۈگرۈپ چىقىپ:

-ۋاي نىمىش بولدى؟ئوغلىڭىزنى نىمىشقا ئۇرىسىز؟-دەپ سۇراپتۇ.لوقمان ھېكىم كۈندىكىدەك:

-ئۇ مەن بۇيرىغان ئىشنى قىلىدۇ،-دەپتۇ.

ھېلىقى قىز:

-شۇنداقمۇ؟ئەمىسە ئۇنى تازا ئۇرۇڭ،مۇشۇ ياشقا كىرىپمۇ سىز بۇيرۇمىسىڭىز قىلىدىغان ئىشنى تاپالمىغاندىكىن،-دەپتۇ.

لوقمان ھېكىم بۇ جاۋابنى ئاڭلاپ دەرھال ئۇرۇشتىن توختاپتۇ.ئۇنىڭ تەلەپ قىلغىنىمۇ مۇشۇنداق ئەقىللىق قىز ئىكەن.ئۇ ئۈيىگە قايتىپ تەييارلىنىپ قىزنىڭ ئائىلىسىگە ئەلچى ماڭدۇرۇپتۇ.

001YtDzkgy6F8rvALJna9&690

ھەزرىتى لوقمان ھەكىم ئوغلىغا مۇنداق نەسىھەت قىلىدۇ:

ئەي ئوغلۇم!

تەقۋادارلىقنى ئۆزۈڭ ئۈچۈن پايدىلىق تىجارەت دەپ بىلگىن، چۈنكى بۇ تىجارەت سېنى مەڭگۈلۈك پايدىغا ئېرىشتۈرىدۇ.

ئەي ئوغلۇم!

جىنازا مۇراسىملىرىغا قاتناشقىن، توي مۇراسىملىرىدىن يىراق تۇرۇشقا تىرىشقىن، چۈنكى جىنازا ساڭا ئاخىرەتنى ئەسلىتىدۇ، توي بولسا سېنى دۇنيانىڭ يالغانچى ئىشرەتلىرىگە جەلب قىلىدۇ.

ئەي ئوغلۇم!

خورازنىڭ ئارقىسىدا قالمىغىن. چۈنكى سەن چوڭقۇر ئۇيقۇغا پاتقاندا، ئۇ ئاۋازى بىلەن پۈتۈن خەلقنى ئويغىتىشقا تىرىشىدۇ.

ئەي ئوغلۇم!

تەۋبە قىلىشنى كېچىكتۈرمىگىن، چۈنكى ئۆلۈم تۇيۇقسىز كېلىدۇ.

ئەي ئوغلۇم!

تەرسا كىشىلەر بىلەن دوست بولمىغىن. چۈنكى ئۇلار بىلەن دوست بولساڭ، ئۆز خاتالىرىنى سېنى قوبۇل قىلدى، دەپ ئويلايدۇ.

ئەي ئوغلۇم!

دىلىڭنىڭ بۇزۇق بولغانلىقىنى بىلىپ تۇرۇپ، باشقىلارغا ئۆزۈڭنى تەقۋادار كۆرسەتمىگىن.

ئەي ئوغلۇم!

پايدىسىز گەپ قىلغىچە سۇكۇت قىلغىن. سۆز كۈمۈش بولسا، سۇكۇت ئالتۇندۇر. مەن ھازىرغىچە سۇكۇت قىلغانلىقىم ئۈچۈن پۇشايمان بولمىدىم.

ئەي ئوغلۇم!

ئىشلەنمىگەن يامانلىق ۋە گۇناھ ساڭا چېقىلمىغاندەك، سەنمۇ ئۇنىڭدىن ساقلانغىن. چۈنكى يامانلىق يامانلىقنى، گۇناھ گۇناھنى تارتىدۇ.

ئەي ئوغلۇم!

ئالىملارنىڭ مەجلىسىدە بولغىن. ھېكمەت ئەھلىنىڭ سۆھبىتىنى ئاڭلىغىن. چۈنكى  قۇرۇق تۇپراقنى يامغۇر بىلەن قانداق جانلاندۇرسا، ئۆلگەن دىللارنى ھېكمەتلىك سۆزلەر بىلەن شۇنداق تىرىلدۈرىدۇ

ئەي ئوغلۇم!

يالغانچىلىق ئادەمنىڭ يۈزىنى چۈشۈرىدۇ، ھايا قىلىش تۇيغۇسىنى يوقىتىدۇ. بەتئەخلاق كىشىنىڭ خاپىلىقى تۈگىمەيدۇ. شۇنىڭ ئۈچۈن بۇ ئىشلاردىن ساقلانغىن.

ئەي ئوغلۇم!

ئەخماقلارنى قايىل قىلىش تاغلارنى يۆتكەشتىن قىيىن.

ئەي ئوغلۇم!

بىلىمسىزنى ۋاسىتە قىلىپ ئىشلىتىشتىن، ئۇنىڭغا ئىشىڭنى قىلدۇرۇشتىن ساقلانغىن. ئەگەر ئەقىللىق بىرىنى تاپالمىساڭ ئۆز ئىشىڭنى ئۆزۈڭ قىلغىن.

ئەي ئوغلۇم!

شۇنداق بىر زامان كېلىدۇكى، سەۋرلىك كىشىلەرمۇ كۈلمەيدىغان بولىدۇ.

ئەي ئوغلۇم!

قاتنىشىدىغان سورۇنلارنى ئۆزۈڭ ئىزدەپ تاپقىن. چۈنكى ئالىم بولساڭ ئىلمىڭ زىيادە بولىدۇ. بىلىمىڭ بولمىسا يېڭى بىر نەرسە ئۆگىنىسەن. ئۇ يەرگە چۈشكەن رەھمەتتىن سەنمۇ بەھرىمەن بولىسەن.  مەيلى ئىلىملىك بول، مەيلى بولما زىيان تارتىسەن.

ئەي ئوغلۇم!

ھەر قانداق ئىشتا بىلىم ۋە تەجرىبىلىك كىشىلەرگە مەسلىھەت سېلىپ، ئۇلارنىڭ پىكرىنى ئالغىن.

ئەي ئوغلۇم!

تەقۋا كېمىسى تۇتقىن! دۇنيا تېگى يوق بىر دېڭىز، ئۇنىڭدا ”مەن، مەن“ دەيدىغان نۇرغۇنلىغان ئىنسانلار غەرق بولۇپ كەتتى. ئۇنىڭ ئۈچۈن تەقۋادىن بىر كېمە تاپ، ئىچىگە ئىمان تولدۇر، تەۋەككۇل يەلكىنىنى ئاچ. پەقەت مۇشۇ شەكىلدە ساق ـ سالامەت يولۇڭنى داۋاملاشتۇرۇپ، ئامان ـ ئېسەن قىرغاققا چىقالايسەن.

ئەي ئوغلۇم!

يامان خوشنىدىن يىراق تۇر! نۇرغۇنلىغان ئېغىر يۈكلەرنى توشۇدۇم، لېكىن يامان خوشنىدەك ئېغىر يۈك كۆرمىدىم. نۇرغۇن قىيىنچىلىقلار تارتتىم، لېكىن نامراتلىقتەك قاتتىق قىيىنچىلىق كۆرمىدىم.

ئەي ئوغلۇم!

ئىلىم ئۆگەن! ئىنسان پېقىر ـ نامرات بولسىمۇ ئىلمى ۋە ھېكمىتى بىلەن پادىشاھلارنىڭ سورۇنىدىن ئورۇن ئالالايدۇ.

ئەي ئوغلۇم!

دوستۇڭنى ياخشى تاللا! بىراۋنى دوست تۇتماقچى بولساڭ، ئاۋۋال ئۇنىڭ ئاچچىقى كېلىدىغان بىر ئىش قىل. غەزەپلىك ھالدا ساڭا ئىنساپ بىلەن مۇئامىلە قىلسا ئۇنىڭغا يېقىنلاشقىن، ئەگەر ئىنساپسىز مۇئامىلە قىلسا ئۇنىڭدىن يىراقلاشقىن.

ئەي ئوغلۇم!

قەرزگە كىرىپ قېلىشتىن ھەزەر قىل. چۈنكى قەرز سېنى كۈندۈزى خور قىلىدۇ، كېچىسى غەمگە سالىدۇ.

ئەي ئوغلۇم!

بىرەر جامائەتنىڭ يېنىغا بارساڭ ئاۋۋال ئۇلارغا سالام قىلغىن. ئاندىن بىر بۇلۇڭدا ئولتۇرغىن. ئۇلار سۆزگە باشلىمىغىچە سەن گەپ قىلمىغىن.  ئەگەر باشقا پاراڭلار بىلەن ۋاقىتنى زايە قىلىدىغان بولسا، ئۇ يەردىن قوپۇپ كەتكىن.

 

قەدىرلىك ياشلىرىمىزغا نەسىھەتلەردىن پايدىلىنىپ توغرا يولدا ماڭغىلى نېسىپ قىلسۇن.

 

مەنبە: ئۈندىدار چەمبىرىكى

维吾尔语频道_4301
打赏
(0)or(0)
باھا يېزىش
بولدى قىلاي!
چىراي ئىپادىسى
تىزىملىتىڭ

كىرىڭ

شىفىرنى ئۇنتۇپسىزمۇ؟

كىرىڭ

تىزىملىتىڭ